حلم عاشق 0000!!!! عشت احلم بحضنك والمس ايديكى ولصدري أضمك قربي منك كان شيء محال ولقيت في حضنك شيء من الخيال كنت بحلم بيكى وأقول مستحيل ارجع اقول لنفسي ده الصبر جميل غمضت عيني وحلمت معاكي وصحيت علي همسة من هواكي وقولت للقمر روح وغيب أحلى من حبيبتي متقدرش تجيب دوبت انا في ضحكتك وقلبى رفرف من رقتك لمستك نسيت روحي ياريت بقى بحبي تقولي وتبوحى وسالت نفسي نايم انا ولا صاحي جاوبني قلبى وزاد من جراحي اتاريني زى كل مرة فيها ابصلك أغيب عن الدنيا واتوه من نظرتك واصحي من حلمي على صوت خطوتك ويارتنى شوفت في عينيكى لهفتك وتغيبي عنى حبيبتي وتبعدي وقلبي يتجرح من دمعتي امتى اصحي من الحلم ويبقى حقيقة حتى لو هتعيشي معايا دقيقة !!!

رحيل من نظرة عين عندما نظرت اليك وتأملت سحر عينيك شردت بعقلي وحلمت بقلبي أن يتوقف الزمان وأطيل النظر اليهم لكي اشبع من سحرهم وارتوى من حنانهم لكن هيهات يا حبيبتي كلما طال بي الزمن كلما اشتقت إليهم أكثر وان حاولت استدارة وجهي عنهم ترفض عيني وينفض قلبي ويقولا أليس حراما أن تحرمنا منهم أليس حراما أن تبعدنا عنهم فأقول لهم لكنى خائف منهم خائف أن اغرق في بحر حنانهم وان تغدر بي أمواجه فيقسما أن يتوقفا عن الحياة أن أصررت على الهروب وارضخ لهما ومن داخلي أتمنى أن يرجع بي الزمن لأكون طفل صغير تحتضنه عينيك لينمو على حنانها ورقتها ووسط احلامى وافكارى تمر من أمامي همسة ربيع حانية تخطفني من عالمي وتذهب بي بعيد وهذه الهمسة ما هي إلا ابتسامتك وان وصفتها سأحتاج لعصور وعصور ليس طول كتابة فيها لكن تعلما في الكتابة لأصل لكلمة تستطيع أن توصف جمالها ورقتها ولكن ليس كل ما نتمناه نلقاه فلقد نزعتي صورتك من امامى وقلبي وعيني نفذا قسمهما وما الذنب ذنبي أنا فهو ذنبك يا ملاكى فانتى سبب توقفهم عن الحياة وسبب رحيلي إلى العالم الأخر

الوقتى حالا رن جرس تليفونى كانت مكالمة مستانيها من زمان يمكن مستانيها من خمس سنين بس اخيرا جت ومع جرس التليفون قلبى اتنفض والكهربا مشيت فى جسمي كله بس الحمد لله سمعت اللى كنت عايز اسمعه من زمان بس يارب اللى فى دماغي يكمل للاخر ويمشي زى مانا عايز طبعا دى حكاية غامضة وهتفضل غامضة لحد ميجى الوقت المناسب وكفاية كده

النهاردة عملت احسن حاجه الواحد ممكن يعملها فى شغله وهى انك تقبض مرتبك ويوم القبض ده ببقى مستنيه بفارغ الصبر مش عشان الفلوس لا عشان بحس ان الناس اللى بشتغل معاهم قدروا شغلى ولو بنسبة 30% وطبعا اهم من تقدير الفلوس انهم يقدروك معنويا وهنا والحمد لله الناس بيقدرونى معنويا كتير جدا زى مثلا زى مثلا متجيب غطاء لتر بيبسى وتحط فيه شوية مياه وتشربهم تفتكر هتشبع ؟؟!!! اهو المثال ده بالظبط اللى بيحصل معايا فى شغلى هنا

نفسي الاقي نفسي والله نفسي اوصل للى انا عايزه بس حاسس انى عمرى مهوصل مش عراف ليه حاسس بالياس مع انى حققت حاجات كتيرة فى وقت قياسي بس فى نفس الوقت حاسس ان حاجات كتيرة ناقصانى وهو ده الانسان !!!!!! ( ميملاش عينه غير التراب )

مفيش حد بيختار مصيره ده اللى انا اكتشفته !!!!!