فى البوست دى هثبتلكم احنا ليه بنعتبر دوله متخلفة ودولة عالم سابع زى مانتوا عارفين انا بشتغل فى جهة حكوميه بدون ذكر اسماء يعنى انا هنا مسئول عن قسم الكمبيوتر حبيت بقى اعمل فتك واطور القسم واشترى شوية حاجات مهمة ( اكسسوار وقطع غيار كمبيوتر يعنى تبقى موجوده للازمات اللى بتحصل للقسم كل شوية ) وخدوا بالكم بقى هنعد كده كام مرحله مرت بيها المشكله العويصه دى 0 1- روحت مكلم المدير على الفكرة اللى فى دماغى 2- قدمت طلب رسمى للمدير بمجرد الفكرة 3- المدير رفع الطلب لمجلس الادارة عشان بس يوافقوا على اننا نفكر نشترى حاجه للقسم وطبعا المرحلتين دول اخدوا حوالى اسبوعين 4- رجعت بقى قدمت مذكرة بقائمة الطلبات اللى هنشتريها للقسم 5- المدير رفع الطلب ده لمجلس الادارة 6- مجلس الادارة رفع الطلب للدكتور الاستشارى علشان يبدى راى سيادته فى الطلبات وبعد طول انتظار وفصال تفضل جلالته بالموافقه بعد ما رفض حوالى 60% من الطلبات اللى كنت طالبها بحجة انها مالهاش لازمة الوقتى ومفيش سيولة ماليه 0 7- المذكرة رجعت لمجلس الادارة ووافق عليها واتبعتت للشئون المالية 8- رجعت بقى اقدم طلب للشئون الماليه انهم يصرفولى فلوس عشان اشترى الحاجات دى بناءا على موافقة مجلس الادارة 9- رئيس الشئون الماليه رفع مذكرة لمجلس الادارة عشان يوافقوا بقى على صرف الفلوس 10- مجلس الادارة وافق وبعت مذكرة للشئون الماليه بالموالفقة دخلت المذكرة الحسابات عشان تتراجع ويتقدر المبلغ اللى ممكن يتصرف( على فكرة لحد الوقتى فات حوالى 3 شهور 11- طلع شيك بالمبلغ اللى هيتصدقوا بيه عليا فرحت قولت خلاص بقى هروح اشترى قالك لأ لازم الشيك يروح يتمضى من امين الصندوق 0 امين الصندوق مضى الشيك وبعته للشئون المالية 12- بعدين اتبعت للصراف وبعيدن راح البنك عشان يتصرف وبعدين جالى اخيرا بعد معاناه 4 شهور من ورق رايح وورق جاى وامضاءات وتاشيرات ومفاوضات عشان 250 جنيه عمى لا راحوا ولا جم شوفتوا بقى اخدنا 4 شهور عشان نشترى شوية اكسسوارات امال لو كنا بنجيب جهاز كمبيوتر كنا قعدنا قد ايه اه على فكرة انا اول متعينت مكنش ليا جهاز كنت بخمس مع رئيس القسم فى جهازه وفضلت على الحال ده شهرين ولولا ان المحافظ كان جاى زيارة لينا فى خلال 24 ساعة كان جهاز كمبيوتر باحدث المواصفات محطوط على مكتبى ده عشان خاطر المحافظ يعنى لولا سيادته مكنتش كتبت البوست دى عشان ببساطة كنت هفضل لحد الوقتى بخمس فى جهاز رئيس القسم وعجبى !!

مهندس طالع عينه

طبعا مستغربين من اسم المدنوة بتاعتى بس هو ده حال الدنيا شغلى مالوش اى علاقة بالهندسة اللى درستها ولا التخصص اللى عملت فيه مشروع تخرجى اتحولت بقدرة قادر من مهندس اتصالات لموظف حكومة بيشترى الجرنال الصبح والبطيخة بعد الضهر !!! بس انا احسن من غيرى كتير انا ليا واحد صاحبى مهندس ميكانيكا تقدير عام جيد بيشتغل صبى نقاش وواحد تانى سواق على تاكسى دى بقى غلطة مين غلطة المهندس اللى طلع عينه خمس سنين فى المذاكرة والمراجع والمذكرات والكورسات ولا غلطة اهله اللى دفعوا دم قلبهم عشان يطلع مهندس ويعوضهم ويردلهم الجميل ولا غلطة الحكومة اللى مبتوفرش فرصة عمل لكل خريج 0 بس الحكومة هتعمل ايه يعنى ماهى برضه غلبانة هتجيب شغل منين لحوالى 10000 مهندس بيتخرج كل سنة واحنا اصلا عندنا كام مصنع ولا كام شركة بتطلب تعيين مهندسين 0 بس بقى الغلطة اللى بتقع فيها الحكومة او اللى بيمثلها من المسئولين الكوسة موضوع الكوسة ده كبر قوى وبقى منتشر زى السرطان مش معقولة واحد خريج كلية تجارة ياخد وظيفة هى فى الاصل مخصصة لمهندس لمجرد انه معاه واسطة او دافع رشوة او مثلا واحد خريج معهد فنى صناعى وياخد وظيفة محاسب كان ممكن يتعين فيها خريج تجارة وهكذا بيجيلك احساس بالاحباط والياس لما تلاقى واحد اقل منك كتير واخد منك وظيفتك عشان الكوسة وصدق اللى قال نيلك يا مصر لو بقى صلصة مش هيكفى الكوسة اللى فيكى

حلم عاشق 0000!!!! عشت احلم بحضنك والمس ايديكى ولصدري أضمك قربي منك كان شيء محال ولقيت في حضنك شيء من الخيال كنت بحلم بيكى وأقول مستحيل ارجع اقول لنفسي ده الصبر جميل غمضت عيني وحلمت معاكي وصحيت علي همسة من هواكي وقولت للقمر روح وغيب أحلى من حبيبتي متقدرش تجيب دوبت انا في ضحكتك وقلبى رفرف من رقتك لمستك نسيت روحي ياريت بقى بحبي تقولي وتبوحى وسالت نفسي نايم انا ولا صاحي جاوبني قلبى وزاد من جراحي اتاريني زى كل مرة فيها ابصلك أغيب عن الدنيا واتوه من نظرتك واصحي من حلمي على صوت خطوتك ويارتنى شوفت في عينيكى لهفتك وتغيبي عنى حبيبتي وتبعدي وقلبي يتجرح من دمعتي امتى اصحي من الحلم ويبقى حقيقة حتى لو هتعيشي معايا دقيقة !!!

رحيل من نظرة عين عندما نظرت اليك وتأملت سحر عينيك شردت بعقلي وحلمت بقلبي أن يتوقف الزمان وأطيل النظر اليهم لكي اشبع من سحرهم وارتوى من حنانهم لكن هيهات يا حبيبتي كلما طال بي الزمن كلما اشتقت إليهم أكثر وان حاولت استدارة وجهي عنهم ترفض عيني وينفض قلبي ويقولا أليس حراما أن تحرمنا منهم أليس حراما أن تبعدنا عنهم فأقول لهم لكنى خائف منهم خائف أن اغرق في بحر حنانهم وان تغدر بي أمواجه فيقسما أن يتوقفا عن الحياة أن أصررت على الهروب وارضخ لهما ومن داخلي أتمنى أن يرجع بي الزمن لأكون طفل صغير تحتضنه عينيك لينمو على حنانها ورقتها ووسط احلامى وافكارى تمر من أمامي همسة ربيع حانية تخطفني من عالمي وتذهب بي بعيد وهذه الهمسة ما هي إلا ابتسامتك وان وصفتها سأحتاج لعصور وعصور ليس طول كتابة فيها لكن تعلما في الكتابة لأصل لكلمة تستطيع أن توصف جمالها ورقتها ولكن ليس كل ما نتمناه نلقاه فلقد نزعتي صورتك من امامى وقلبي وعيني نفذا قسمهما وما الذنب ذنبي أنا فهو ذنبك يا ملاكى فانتى سبب توقفهم عن الحياة وسبب رحيلي إلى العالم الأخر

الوقتى حالا رن جرس تليفونى كانت مكالمة مستانيها من زمان يمكن مستانيها من خمس سنين بس اخيرا جت ومع جرس التليفون قلبى اتنفض والكهربا مشيت فى جسمي كله بس الحمد لله سمعت اللى كنت عايز اسمعه من زمان بس يارب اللى فى دماغي يكمل للاخر ويمشي زى مانا عايز طبعا دى حكاية غامضة وهتفضل غامضة لحد ميجى الوقت المناسب وكفاية كده